Chelsea og Southampton gerðu 3-3 jafntefli í ensku úrvalsdeildinni í dag. Leikið var á Stamford Bridge í Lundúnum.
Timo Werner kom Chelsea yfir með marki á 15. mínútu eftir stoðsendingu frá Ben Chilwell.
Werner var síðan aftur á ferðinni á 28. mínútu þegar hann tvöfaldaði forystu heimamanna.
Danny Ings minnkaði muninn fyrir Southampton með marki á 43. mínútu. Staðan í hálfleik 2-1 fyrir Chelsea.
Á 57. mínútu jafnaði Che Adams leikinn fyrir Southampton. Leikmenn Chelsea voru þó ekki lengi að svara fyrir sig því tveimur mínútum síðar kom Kai Havertz þeim yfir.
Leikmenn Southampton neituðu hins vegar að gefast upp. Í uppbótartíma jafnaði Jannick Vestergaard leikinn fyrir Southampton með marki eftir stoðsendingu frá Theo Walcott.
Fleiri mörk voru ekki skoruð í leiknum. Chelsea er eftir leikinn í 6. sæti með 8 stig. Southampton er í 10. sæti með 7 stig.
Chelsea 3 – 3 Southampton
1-0 Timo Werner (’15)
2-0 Timo Werner (’28)
2-1 Danny Ings (’43)
2-2 Che Adams (’57)
3-2 Kai Havertz
3-3 Jannick Vestergaard (’90+2)