Mohamed Salah hefur staðið sig eins og ofurhetja á vellinum með Liverpool undanfarin ár en nú virðist hann einnig vera ofurhetja utan vallar.

Salah deildi í vikunni mynd af sér ásamt dóttur sinni sem átti afmæli. Salah og Mekka, dóttir hans, voru klædd í ofurhetjubúninga úr myndinni The Incredibles eða Hin ótrúlegu eins og hún kallast á íslensku. „Hamingjuóskir með afmælið til prinsessunnar minnar,“ skrifaði Salah með myndinni á Instagram.

Vegna landsleikjahlésins í fótboltanum hafa flestir leikmenn Liverpool ekki verið á æfingum með liðinu undanfarna daga. Þar sem Egyptaland var ekki með neina landsleiki þá gat Salah verið áfram í Liverpool og mætt á æfingar. Það er kannski fyrir bestu þar sem Liverpool gekk ekki nógu vel í síðasta leik en liðið tapaði 7-2 fyrir Aston Villa í síðasta leik sínum í deildinni