Sara Björk Gunnarsdóttir náði mögnuðum áfanga í fyrradag þegar hún varð fyrsti Íslendingurinn til að skora í úrslitaleiknum og vinna Meistaradeildina í kvennaflokki. Sara gekk í sumar til liðs við franska liðið Lyon en fyrir það spilaði hún með þýska liðinu Wolfsburg. Sara mætti sínum gömlu liðsfélögum í úrslitaleik Meistaradeildarinnar í fyrrakvöld og vann leikinn. Sara tryggði sigur Lyon með marki á lokamínútum leiksins.
Hamingjuóskum hefur rignt yfir þessa öflugu konu síðustu daga og hún þakkar fyrir þær í dag. „ðVá takk fyrir allar fallegu kveðjunar! Litla Ísland segja þeir,“ skrifar Sara á Twitter í dag.
Sara tileinkar ungum krökkum þennan titil og segir að þau eigi ekki að láta neitt stoppa sig. „Þessi er titill er meðal annars tileinkaður til allra fótboltastelpna og stráka sem eiga sér þann draum um að komast eins langt og þeim dreymir um.“
Skilaboð Söru til ungra krakka eru svo einföld, þau eiga ekki að láta neitt stoppa sig. „Það eru engin takmörk,“ skrifar Sara.
Frammistaða Söru í leiknum hefur vakið heimsathygli og var hún að flestra mati besti leikmaður vallarins. „Stolt að vera Íslendingur.“
Vá takk fyrir allar fallegu kveðjunar!❤️Litla Ísland segja þeir🤷🏽♀️
Þessi er titill er meðal annars tileinkaður til allra fótboltastelpna og stráka sem eiga sér þann draum um að komast eins langt og þeim dreymir um!
Það eru engin takmörk! ❤️💪🏼🔥
Stolt að vera Íslendingur 🇮🇸💙 pic.twitter.com/NMaoxWGXFN
— Sara Björk (@sarabjork18) September 1, 2020
