Christopher Naesheim, starfsmaður PSS Securitas, hefur útskýrt atvik sem átti sér stað um helgina í Noregi.

Erling Haaland, leikmaður Dortmund, var vísað burt af skemmtistað í heimalandi sínu og var myndband af atvikinu birt á netinu.

Haaland var sjálfur ekki sáttur við aðgerðir öryggisgæslunnar og óánægður með að vera rekinn út af skemmtistaðnum. Ástæðan er sú að mikið af fólki hópaðist í kringum stórstjörnuna og virti það ekki sóttvarnarreglur í tengslum við COVID-19.

,,Það eru í gildi reglur vegna COVID-19 og öryggisgæslan sá  hóp af fólki sem hópaðist í kringum Erling Braut Haaland,“ sagði Naesheim í samtali við þýska netmiðilinn Bild.
,,Við vissum að fólkið myndi ekki hætta að hópast í kringum hann og biðja um myndir svo við að við þurftum að biðja hann um að yfirgefa staðinn.“