Systkinin Gamithra Marga og Johann Marga, í teyminu Kinder, unnu tvo flokka á stærsta hakkaþoni sem haldið hefur verið á Íslandi. En úrslitin voru kunngerð nú í hádeginu.
Sjá einnig: 2,5 milljón króna verðlaun í stærsta hakkaþoni Íslandssögunnar
Gamithra er mikill Íslandsvinur og flutti til Íslands frá Eistlandi þegar hún var 17 ára. Hún býr í dag í Suður Wales. Hún var fyrsta stelpan til að vera í vinningsliði Forritunarkeppni framhaldsskólanna hér á landi árið 2019.
Kinder er app sem notar leikjavæðingu til þess að hvetja notendur til þess að styrkja og ýta undir lítil samfélög með því að bjóða þjónustu á skemmtilegan og gegnsæjan hátt.
Keppt var til verðlauna í fimm flokkum og hlutu sigurvegarar í hverjum flokk meðal annars 500.000 krónur í verðlaunafé. Sigurvegarar voru eftirfarandi:
Teymið Áskorun 2020 var einnig unnið af systkinum, þeim Þorvaldi, Ívari og Gerði Gauksbörnum.
Áskorun 2020 skorar á Íslendinga að ferðast um landið í sumar, og gera úr því smá keppni. Til dæmi með því að keppast um hver hafi séð flesta fossa eða farið í flestar sundlaugar.
Lausnirnar sem kepptu um sigurinn má sjá í heild sinni hér.
Við óskum sigurvegurum til hamingju með árangurinn.
