Samkeppniseftirlitið hefur sektað Símann um 500 milljónir vegna mikils verðmunar og ólíkra viðskiptakjara við sölu á enska boltanum. Rúv sagði frá.

„Niðurstaða Samkeppniseftirlitsins er að verðlagning Símans á Enska boltanum sem hluta af Heimilispakkanum hafi lagt stein í götu keppinauta fyrirtækisins og takmarkað möguleika þeirra til að laða til sín viðskiptavini,” segir í niðurstöðu eftirlitsins.

Sagt er að brotinn séu til þess að styrkja stöðu Símans sem hefur sterka stöðu fyrir á fjarskiptamarkaði.

Síminn hafi selt enska boltann á þúsund krónur á mánuði þegar þjónustan var hluti af heimilispakka fyrirtækisins en annars kostaði hann 4.500 krónur

„Samkeppniseftirlitið telur að framangreind brot séu alvarleg og til þess fallin að skaða hagsmuni almennings til lengri tíma, á mörkuðum sem skipta neytendur og efnahagslífið miklu máli. Því sé óhjákvæmilegt að leggja sektir á Símann vegna brotanna. Er það áhyggjuefni að Síminn hafi á ný gerst brotlegur með alvarlegum hætti,” segir í dómnum.