Margir hafa orðið var við stórundarlega og óviðeigandi myndbirtingar við fréttir frá RÚV þegar þeim er deilt á Facebook-síður stofnunarinnar. Fyrir skömmu birtist mynd af Þórólfi Guðnasyni sóttvarnalækni við frétt um alræmdan hryðjuverkamann á Nýja-Sjálandi.

Nýjasta óheppilega myndbirtingin af þessu tagi er jafnvel enn verri en mynd af Vigdísi forseta birtist yfir fullkomlega óviðkomandi fyrirsögn:

Baldvin Þór Bergsson, dagskrárstjóri númiðlunar og Rásar 2, segir í samtali við DV að vissulega sé vandamálið hvimleitt en vonandi leysist það sem fyrst. Verið sé að vinna hörðum höndum að úrlausn þess:

„Þetta er bara smá hugbúnaðarvandamál hjá okkur. Það gengur vonandi þokkalega að leysa þetta en ég er ekki með stöðuna á því nákvæmlega. Við vorum að gera ákveðnar breytingar hjá okkur og eftir það er Facebook að lesa myndirnar okkar á einhvern undarlegan hátt. Við þurfum bara að finna út úr því.“