Edinson Cavani, leikmaður Paris Saint-Germain, hafnaði því að ganga í raðir liðs í ensku úrvalsdeildinni í janúar.
Ástæðan er sú að Cavani hefur ekki áhuga á að elta peningana og vildi bara komast til Spánar.
Atletico Madrid var nálægt því að fá Cavani en PSG vildi ekki hleypa honum þangað fyrir lægri upphæð en upphaflega var samið um.
,,Cavani var tilbúinn að fá minna borgað en hjá PSG. Atletico gat ekki borgað fyrir allt og PSG vildi ekki lækka upphæðina,“ sagði bróðir og umboðsmaður leikmannsins.
,,Atletico Madrid náði ekki samkomulagi. Ef þetta snerist um peninga þá hefði Edi farið til Englands í Manchester eða Chelsea.“
