Rio Ferdinand myndi frekar vilja spila með Nemanja Vidic upp á sitt besta frekar en Virgil van Dijk upp á sitt besta.

Þetta sagði Ferdinand í gær en hann og Vidic voru frábærir saman í hjarta varnarinnar á Old Trafford í mörg ár.

Van Dijk er af mörgum talinn besti hafsent heims en hann spilar með Liverpool.

,,Van Dijk upp á sitt besta eða Vidic upp á sitt besta? Það er góð spurning,“ sagði Ferdinand.

,,Ég verð að velja Vidic því hann var minn samherji. Hann sá um mig og ég sá um hann. Það var þannig.“

,,Ég elska Van Dijk, ekki misskilja mig. Ég elska hann. Hann er besti varnarmaður heims í dag, klárlega.“