Maria Dolores, móðir Cristiano Ronaldo, hefur verið útskrifuð af sjúkrahúsi í heimalandinu Portúgal.
Dolores útskrifaðist af spítalanum í gær en fyrir tveimur vikum fékk hún lífshættulegt heilablóðfall.
Hún hefur hins vegar náð skjótum bata og staðfesti það sjálf á samskiptamiðlum að hún væri á heimleið.
Ronaldo hefur verið með móður sinni síðustu daga en hann er fastur í Portúgal vegna útbreiðslu kórónaveirunnar.
Dolores er 65 ára gömul en hún sigraðist einnig á krabbameini í brjósti árið 2007.
