FC Sion í Sviss hefur rekið alls níu leikmenn úr starfi eftir útbreiðslu kórónaveirunnar.

Tveir af þessum leikmönnum eru fyrrum leikmenn Arsenal þeir Alex Song og Johan Djourou.

Forseti félagsins, Christian Constantin, sendi öllum leikmönnum skilaboð á WhatsApp og spurði hverjir væru tilbúnir að taka á sig launalækkun.

Það voru alls níu leikmenn sem svöruðu þeim skilaboðum ekki og fengu reisupassann í kjölfarið.

Umboðsmaður Djourou, Costa Bonata, hefur tjáð sig um málið og var alls ekki sáttur.

,,Það sem FC Sion hefur gert er algjörlega rangt. Það er ómögulegt að fá stöðuna á hreint á þessum tíma sem þeir fengu,“ sagði Costa.

,,Það var ekki hægt að ná í einn einasta meðlim félagsins til að spyrja spurninga.“