Borussia Dortmund sýndi í gær nákvæmlega hversu mikið liðið saknar leikdaga á Signal Iduna Park.

Eins og flestir vita er ekkert spilað í stærstu deildum Evrópu þessa stundina vegna kórónaveirunnar.

Dortmund hefur ekki spilað leik síðan 11. mars síðastliðinn er liðið tapaði 3-2 gegn Paris Saint-Germain.

Í gær birti Dortmund myndband fyrir stuðningsmenn þar sem lagið You’ll Never Walk Alone var spilað hátt og mikið á vellinum.

Það lag er spilað fyrir stuðningsmenn á hverjum leikdegi en að þessu sinni var enginn til að syngja með.

🙌 #YNWA

Wir vermissen es. Und vor allem: EUCH! pic.twitter.com/N9jVRHkpYy

— Borussia Dortmund (@BVB) 20 March 2020