Charlie Austin, leikmaður QPR, varar ungt fólk við því að það sé ekkert grín að fá kórónaveiruna þó að það sé á besta aldri.

Austin greindist með veiruna nýlega en hann fékk slæm einkenni og var rúmliggjandi í dágóðan tíma.

,,Það var eins og einhver hefði hellt heilli fötu af vatni yfir mig. Ég var rennandi blautur,“ sagði Austin.

,,Áður en ég fann fyrir einkennum á laugardaginn þá var ég í símanum við eiginkonuna mína og ég sagði að ef einhver myndi veikjast í fjölskyldunni yrði það vonandi ég.“

,,Mér leiEið eins og ég væri heilbrigður og í standi svo að ég gæti tekið þessu. Í síðustu viku þá lifði ég lífinu.“

,,Ekki það að ég hafi ekki tekið kórónaveirunni alvarlega. Þetta er mjög alvarlegt og við ættum að taka henni þannig.“