Gary Neville og Ryan Giggs, fyrrum leikmenn Manchester United ætla að loka báðum hótelunum sem þeir eiga í Manchester.
Þetta gera þeir vegna kórónuveirunnar en ferðamenn eru hættir að koma og því ætla þeir að loka næstu vikur og mánuði.
Þeir loka þó bara á almenning því heilbrigðisstarfsfólk fær að gista frítt. Um er að ræða 176 herbergi á hótelum þeirra.
Fólk þarf oft að ferðast langa vegalengd heim eftir vinnudaga sem eru langir, vegna veirunnar.
Chelsea bauð sömu þjónustu í gær í London en mikið álag er á heilbrigðisstarfsfólki vegna veirunnar.
