Birgir Jóhannsson, framkvæmdarstjóri ÍTF sem eru hagsmunasamtök félaga í efstu deildum fótboltans hefur þungar áhyggjur vegna kórónuveirunnar og hvaða áhrif hún hefur á íþróttahreyfinguna. Hann segir að reksturinn verði þyngri en áður, var hann erfiður fyrir.
Mikil óvissa ríkir í heimi íþrótta vegna veirunnar, allir leikir eru sem dæmi bannaðir á Íslandi á meðan samkomubannið er í gangi.
Rekstur íþróttafélaga er alltaf þungur og sérstaklega þegar svona óvissa ríkir, Birgir var áður framkvæmdarstjóri knattspyrnudeildar FH þar sem reksturinn var afar þungur síðustu ár. Nú þegar veiran herjar á Ísland þá er óvissan meiri, ekki er sem dæmi vitað hvort Pepsi Max-deildirnar fari af stað á réttum tíma.
,,Ansi dökk mynd sem blasir við knattspyrnuhreyfingunni. Hef gríðarlegar áhyggjur af rekstri íslenskra félaga,“ skrifar Birgir á Twitter en ljóst er að fyrirtæki sem styrkja íþróttahreyfinguna, finna fyrir áhrifum veirunnar og geta ekki staðið jafn þétt við bakið á starfinu.
Hann kallar eftir því að ríkisstjórn Íslands hjálpi íþróttafélögum á þessum erfiðu tímum. ,,Við erum að sjá margvísilegar aðgerðir í löndunum í kringum okkur. Vonandi átta menn sig á mikilvægi íþróttafélaga þegar þessi aðgerðarpakki verður kynntur í vikunni,“ sagði Birgir en aðgerðarpakki til að hjálpa til veður kynntur á næstu dögum.
Ansi dökk mynd sem blasir við knattspyrnuhreyfingunni. Hef gríðarlegar áhyggjur af rekstri íslenskra félaga. Við erum að sjá margvísilegar aðgerðir í löndunum í kringum okkur. Vonandi átta menn sig á mikilvægi íþróttafélaga þegar þessi aðgerðarpakki verður kynntur í vikunni. https://t.co/DGglpo0gMJ
— Birgir Jóhannsson (@biggijo) March 16, 2020