Í dag greindust þrír einstaklingar á Íslandi með COVID-19 veirusýkinguna sem herjað hefur á heimsbyggðina á seinustu misserum. Einstaklingarnir sem greindust í dag komu til Íslands frá Verona seinasta laugardag. Áður höfðu þrír greinst með veiruna, þannig að heildarfjöldi staðfestra tilfella er nú sex. Fréttablaðið greinir frá þessu.

Einstaklingarnir eru á sextugsaldri, tvær konur og einn karl. Þau eru öll búsett á höfuðborgarsvæðinu. Þau eru ekki mikið veik, en ber þó hefðbundin einkenni veirunnar, sem eru hiti, hósti og beinverkir.

Nítján sýni voru rannsökuð á Landspítalanum í dag, en áðurnefnd þrjú þeirra reyndust jákvæð. Um 260 manns eru nú í sóttkví, en sú tala gæti aukist á næstu dögum.