Öllum 180 farþegum flugvélar Icelandair sem kom til landsins frá Veróna Ítalíu í gær hafa verið settir í sóttkví eftir að einn farþegi vélarinnar greindist með COVID-19 sjúkdóminn. Þetta kom fram í kvöldfréttum stöðvar 2.
Alma Möller, landlæknir, sagði í samtali við fréttastofu að það sé gífurlega mikilvægt að fólk fari eftir fyrirmælum um sóttkví. Ef ekki þá hafi sóttvarnarlæknir lagaheimild til að beita sjúklinga valdi. „Sóttvarnarlæknir getur kallað til lögreglu til að sjá fyrir að fólk fari að fyrirmælum.“
Stöð 2 náði tali af konu sem er búin að vera í heimasóttkví síðan á föstudag. Er hún samstarfsfélagi fyrri mannsins sem greindist með sjúkdóminn. Hún hefur einangrað sig frá fjölskyldu sinni á meðan smithættan líður hjá. Hefur hún það að sögn fínt, sofi mikið og lesi bækur. Hún hefur engin einkenni COVID-19
