Sorphirða hefst aftur að fullu hjá Reykjavíkurborg á morgun eftir að undanþágunefnd Eflingar heimilaði undanþágu frá verkfalli fram á föstudag. Undanþágan var veitt af tilliti við almannaheill og baráttuna við COVID-19 veiruna.

Eðlilega er sorphirða töluvert á eftir áætlun en hafist verður handa við að hirða sorp í Breiðholti strax í fyrramálið.

Sökum þessa eru íbúar Breiðholts beðnir sérstaklega um að moka vel frá sorpílátum og tryggja aðgengi að sorpgreiðslum. Eins er nauðsynlegt að ganga vel frá aukaúrgangi í gráa plastpoka til að flýta fyrir hirðu.

Eftir Breiðholt mun leiðin liggja í Árbæinn um miðja viku.

Hvorki pappír né plast verður hirt í vikunni. Fólk getur eftir sem áður losað sig við flokkaðan úrgang á endurvinnslustöðvum SORPU og á grenndarstöðvum borgarinnar.