Fjórir karlmenn og ein kona hafa verið úrskurðuð í gæsluvarðhald til 13. mars í þágu rannsóknar lögreglunnar á höfuðborgarsvæðinu á fíkniefnamáli.
Þau voru öll handtekin í aðgerðum lögreglunnar í og við Hvalfjarðargöngin í gær. Lögregla hefur lagt hald á töluvert af fíkniefnum í tengslum við málið.
Fólkið mun vera á þrítugs-, fertugs- og fimmtugsaldri. Samkvæmt upplýsingum frá lögreglu miðar rannsókn málsins vel.
