Tveir ritstjórar Fréttablaðsins láta nú af störfum, að því er fram kemur í frétt á vef Fréttablaðsins um breytingar á ritstjórn hjá Torgi: Davíð Stefánsson, sem hefur verið annar ritstjóra Fréttablaðsins, og Sunna Karen Sigþórsdóttir, sem hefur verið annar ritstjóri vefmiðlanna frettabladid.is og hringbraut.is.
Jón Þórisson verður nú einn ritstjóri Fréttablaðsins og Kristjón Kormákur Guðjónsson verður einn ritstjóri vefmiðlanna hringbraut.is og frettabladid.is.
Þá hafa blaðamenn á Fréttablaðinu, þeir Garðar Örn Úlfassonar og Ari Brynjólfsson, verið gerðir að fréttastjórum.
Eins og komið hefur fram áður hefur náðst samkomulag um kaup Torgs á DV og dv.is af Frjálsri fjölmiðlun. Samkeppnisstofnun hefur hins vegar ekki enn samþykkt kaupin formlega og því hafa þau ekki gengið í gegn.
