Magnús Örn Guðmundsson, skipstjóri til margra ára, lést í gærmorgun á Hraunbúðum, dvalar- og hjúkrunarheimikli aldraðra í Vestmannaeyjum. Magnús Örn var 63 ára og lést af völdum sjúkdómsins Alzheimer eftir nokkurra ára baráttu við sjúkdóminn. Hann lést í faðmi fjölskyldu sinnar.
Magnús Örn var fæddur 7. desember 1956 og Hann var víða þekktur í Vestmannaeyjum, þar sem hann var búsettur í rúm fjörtíu ár. Magnús Örn lætur eftir sig eiginkonu og fimm börn, tvo syni, þrjár dætur og fjórtán barnabörn. Magnús verður jarðsunginn frá Landakirkju í Vestmannaeyjum á fimmtudaginn þann 13. febrúar.
Anna Kristín Magnúsdóttir, athafnakona og ein af dætrum Magnúsar, minnist föður síns í einlægri færslu sem hún skrifar á Facebook. Anna Kristín segir:
„Elsku pabbi minn kvaddi þennan heim laust fyrir hádegi í dag. Hjartað mitt hefur ekki brotnað svona mikið áður og ég kann ekki almennilega að koma þessu í orð. Langar bara að segja öllum að muna að elska, muna að vera jákvæð og muna að lífið er ekki sjálfsagt. Pabbi talaði ekki illa um neinn og bar ekki vott af fordómum gagnvart neinum. Fyrir það eitt geturu skilað ansi miklu út í lífið.“
DV sendir öllum aðstandendum og vinum Magnúsar innilegar samúðarkveðjur.
Sjá einnig: Hreint helvíti fyrir fjölskylduna
