Þegar þetta er skrifað eru staðfest tilfelli rúmlega 8 þúsund en fyrir einungis viku síðan voru tilfellin færri en þúsund. Fjölgunin er því gríðarlega mikil. Nú þegar hafa yfir 170 manns látist vegna veirunnar. Veiran hefur dreift sér víða um Asíu en einnig til Evrópu og Bandaríkjanna. Engin staðfest tilfelli hafa komið upp hér á landi enn sem komið er. Enn hefur enginn látist vegna veirunnar utan Asíu.
Á fundinum sagði yfirmaður Alþjóðaheilbrigðismálastofnunarinnar að gífurlegar áhyggjur er á því að kórónaveiran berist á svæði þar sem heilbrigðiskerfi eru ekki nógu góð til að bregðast við veirunni. Veiran hefur greinst í alls nítján löndum og hefur hún smitast á milli manna í öðrum löndum en Kína.
Einnig kom það fram á fundinum að ekki þyki ástæða til að setja upp ferðabönn til og frá Kína vegna veirunnar. „Alþjóðaheilbrigðismálastofnunin mælir ekki með og er á móti öllum hömlum á ferðalög og viðskipti,“ sagði yfirmaður Alþjóðaheilbrigðisstofnunarinnar á fundinum. Þrátt fyrir þetta eru dæmi um að flugfélög hafi fellt niður flug til Kína í ljósi aðstæðna
