Íslendingar töpuðu 25-32 gegn Svíum í lokaleiknum á EM. Ísland hafnar því í 11.-12. sæti í keppninni. Leikur Íslands var hörmulegur og einkenndist af miklu andleysi. Svíar komust mest í 9 marka mun og sigur þeirra var aldrei í hættu.

Var þetta án efa lélegasti leikur Íslands á köflóttu móti. Liðið átti þrjá frábæra leiki þar sem sigrar unnust gegn Dönum, Rússum og Portúgölum.

Línumaðurinn Kári Kristján Kristjánsson og Bjarki Már Elísson skoruðu 5 mörk hvor. Guðjón Valur Sigurðsson skoraði 4.

Markverðirnir vörðu aðeins 7 skot í leiknum enda var varnarleikurinn hörmulegur.