Patrice Evra, goðsögn Manchester United, fékk fallegt bréf frá Liverpool nýlega eftir atvik sem átti sér stað fyrir níu árum.

Evra opnaði sig með það í beinni útsendingu í gær en hann fékk bréf frá stjórnarformanni Liverpool, Peter Moore.

Þar baðst Moore afsökunar á hvernig tekið var á máli Evra og Luis Suarez árið 2011. Evra ásakaði þá Suarez um rasisma en enska knattspyrnusambandið dæmdi Úrúgvæann ekki brotlegan.

Evra sagði nýlega að hann hefði aldrei fengið afsökunarbeiðni frá Liverpool en það hefur nú breyst.

,,Í fyrsta lagi var ég mjög ánægður með að fá afsökunarbeiðni frá Jamie Carragher og svo fékk ég persónulegt bréf frá Peter Moore og það snerti mig,“ sagði Evra.

,,Hann vonaðist eftir því að það væri aldrei of seint að biðjast afsökunar því þetta gerðist fyrir níu árum.“

,,Ég fékk bréfið þremur dögum eftir þáttinn og ég sagði honum hversu þýðingarmikið það var.“