Árekstur varð við Háöldukvísl á Skeiðarársandi á Suðurlandsvegi eftir hádegi í dag. Þrjú börn eru alvarlega slösuð eftir áreksturinnn en börnin eru á aldrinum 5-10 ára. Þyrla Landhelgisgæslunnar flutti bbörnin á Landspítalann en með börnunum er einstaklingur sem lenti einnig í slysinu en slasaðist ekki alvarlega.

Tvei bílar lentu í árekstrinum, jeppi og jepplingur en alls voru 9 manns voru í bílunum, allt erlendir ferðamenn. Einn fullorðinn einstaklingur slasaðist alvarlega og tveir eru minna slasaðir. Þrír sluppu án teljandi meiðsla.

Á Landspítalanum er viðbúnaður vegna slyssins en samkvæmt upplýsingum sem Vísir fékk þaðan er spítalinn fullfær um að taka á móti hinum slösuðu. Undirbúningur fyrir komu þeirra slösuðu var hafinn fljótlega eftir að tilkynnt var um komu þeirra.