Íslenska karlalandsliðið vann fínan sigur á Kanada í nótt en leikið var í Los Angeles í Bandaríkjunum.

Það vantaði stór nöfn í hóp íslenska liðsins en má nefna Gylfa Þór Sigurðsson, Ragnar Sigurðsson, Aron Einar Gunnarsson, Jóhann Berg Guðmundsson og fleiri.

Leikurinn var engin frábær skemmtun en eitt mark var skorað og það gerði Hólmar Örn Eyjólfsson.

Hólmar skoraði eina markið á 21. mínútu í fyrri hálfleik en það kom eftir hornspyrnu.

Ísland byrjar því landsliðsverkefnið vel á sunnudaginn er spilað við El Salvador í öðrum æfingaleik.

Hér má sjá einkunnirnar úr leiknum.

Hannes Þór Halldórsson 7
Það var ekki mikið að gera hjá Hannesi í nótt en hann gerði sig stóran á köflum. Náði mikilvægri vörslu undir lok leiksins.

Davíð Kristján Ólafsson 6
Komst ágætlega úr verkefninu.

Alex Þór Hauksson 7
Alex var mjög öflugur á tímum í leiknum og virkaði eins og mikilvægt akkeri fyrir íslenska liðið. Flottur leikur.

Hólmar Örn Eyjólfsson 7
Stóð fyrir sínu og gerði eina mark leiksins.

Daníel Leó Grétarsson 6
Lenti í smá vandræðum á köflum en komst ágætlega úr verkefninu.

Mikael Neville Anderson 5
Maður hefði viljað sjá meira frá Mikael sem var ekki alveg upp á sitt besta. Hann á meira inni.

Aron Elís Þrándarson 5
Það sama má segja um Aron sem hefur oft verið sprækari.

Kjartan Henry Finnbogason 5
Það var lítið um færi í leiknum og fengu Kjartan og Viðar svolítið að finna fyrir því.

Kári Árnason 6
Fínasti leikur hjá Kára.

Viðar Örn Kjartansson 5
Sama og með Kjartan, takmörkuð þjónusta.

Höskuldur Gunnlaugsson 8
Besti leikmaður Íslands í kvöld. Höskuldur var mjög öflugur og var sá sem reyndi að skapa hvað mest fyrir íslenska liðið.

Varamenn:

Kristján Flóki Finnbogason 6

Óttar Magnús Karlsson  6