Frá því hefur verið greint að Halla Bergþóra Björnsdóttir, lögreglustjóri á Norðurlandi eystra og Páll Winkel, fangelsismálastjóri, hafi sótt um embætti ríkislögreglustjóra. Í gæar var greint frá því að Sigríður Björk Guðjónsdóttir, lögreglustjóri á höfuðborgarsvæðinu er einnig á meðal umsækjenda. Frestur rann út á miðnætti á föstudag.
„Ég hef áhuga á lögreglumálum og þarna eru tækifæri til að vinna enn frekar að þeim auk þess að efla lögregluna og samheldni,“ hefur mbl.is eftir Höllu Bergþóru um ástæðu þess að hún sótti um embættið.
Páll Winkel hefur upplýst samstarfsfólk sitt um umsókn sina samkvæmt heimildum mbl.is. Páll Winkel er fangelsismálastjóri, en fráfarandi ríkislögreglustjóri, Haraldur Johannessen, var einmitt fangelsismálastjóri áður en hann hlaut skipun sem fyrsti ríkislögreglustjóri landsins.
