Sala nýrra fólksbíla í desember 2019 var 587 bílar samanborið við 482 bíla í desember 2018. Salan í desember jókst því um 22% miðað við desember 2018. Er þetta í fyrsta sinn síðan í janúar 2018 sem söluaukning í stökum mánuði á sér stað á milli ára.
Þetta kemur fram í fréttatilkynningu frá Bílgreinasambandinu. Heildarbílasala ársins var á hinn bóginn 34,8% minni en árið á undan. Samtals seldust 11.728 nýir fólksbílar á árinu 2019 en 17.976 bílar árið 2018.
Þrátt fyrir þetta er bílasala ársins 2019 yfir meðaltali frá áramótum en lægri en hún hefur verið allra síðustu ár. Á móti kemur að árin 2016, 2017 og 2018 eru mjög stór í bílasölu í sögulegu samhengi.
Mest selda bíltegundin á árinu var Toyota, þar á eftir KIA og þriðja mest selda tegundin var Hyundai.
