Samkvæmt fréttum Stöðvar 2 og RÚV er Kristján Gunnar Valdimarsson grunaður um að hafa brotið kynferðislega gegn tveimur ungum konum eftir að honum var sleppt úr haldi lögreglu á aðfangadag. Kristján var handtekinn á aðfaranótt aðfangadags vegna gruns um að hann hefði haldið nauðugri í húsi sínu ungri konu og brotið gegn henni kynferðislega. Er hann talinn hafa svipt hana frelsi sínu í að minnsta kosti 10 daga.

Kristján var látinn laus eftir skýrslutöku vegna þess máls á aðfangadag en handtekinn aftur á heimili sínu á jólanótt. Samkvæmt þessum fréttum virðist það hafa verið vegna brota gegn tveimur konum eftir að hann var látinn laus á aðfangadag.