Kókaín fannst í um eins árs barni í Norðlingaholti á jóladag en tveir einstaklingar, karl og konu, voru handteknir í aðgerðum lögreglu á vettvangi. Sérsveit ríkislögreglustjóra var einnig kölluð út vegna málsins þar sem áður hafði verið tilkynnt um skotvopn á heimilinu.

Vísir greinir frá því að kókaín hafi fundist í barninu sem var flutt í alvarlegu ástandi á sjúkrahús. Í fréttinni kemur fram að konunni hafi verið sleppt en karlinn sé enn í haldi þar sem hann var á reynslulausn.

„Af­skipti okk­ar komu til vegna þess að það er grun­ur um að barnið hafi orðið fyr­ir ein­hvers­kon­ar eitrun tengri fíkni­efn­um. Barnið var flutt í al­var­legu ástandi á spít­ala,“ segir Karl Stein­ar Vals­son, yf­ir­lög­regluþjónn hjá lög­regl­unni á höfuðborg­ar­svæðinu, í sam­tali við fréttavef Morgunblaðsins.