Lögreglan á höfuðborgarsvæðinu hefur gefið út skýrsluna Afbrot á höfuðborgarsvæðinu 2018. Þar er greint frá tíðni afbrota á höfuðborgarsvæðinu með það að markmiði að halda árlega skrá yfir afbrot í umdæminu og mæla þróun afbrotatíðni milli ára.

Í skýrslunni í ár kemur fram að á árinu 2018 bárust lögreglu alls 9.597 tilkynningar um hegningarlagabrot. Þetta er lítils háttar fjölgun frá árinu 2017, eða um 3 prósent.

Mikil fjölgun umferðarlagabrota átti sér stað, alls voru skráð tæplega 45 þúsund umferðarlagabrot, en það er mesti fjöldi slíkra brota frá upphafi samræmdar skráningar fyrir tuttugu árum síðan.

Um helmingur tilkynntra brota voru auðgunarbrot.

Hins vegar fjölgaði tilkynntum kynferðisbrotum umtalsvert milli ára, eða um 23 prósent. Alls bárust 370 tilkynningar um kynferðisbrot, Um það bil helmingur tilkynntra kynferðisbrota var vegna nauðgana. eða 181 tilkynning. Það eru um 30 prósent fleiri tilkynnt  tilvik heldur en árið 2017.

Lögreglu bárust alls 1.328 tilkynningar um ofbeldisbrot. Í skýrslunni segir :

„en ekki hafa jafn margar tilkynningar borist á einu ári frá því að samræmdar skráningar hófust árið 1999″

Er þessi fjölgun talin tengjast breyttu verklagi í heimilisofbeldismálum.