Greiðslukortaþjófar hafa undanfarið herjað á vefsvæði Strætó bs, keypt strætókort með stolnum kortaupplýsingum og selt kortin áfram. Þetta kemur fram í frétt á vef Hringbrautar. Svikin nema um tveimur milljónum króna og þó að þau hafi staðið yfir í sex mánuði hefur Stætó ekki lagt fram kæru. Þá hefur öryggi á sölusíðu Strætó enn ekki verið tryggt.
Í frétt Hringbrautar segir:
„Í maí mánuði náðu þjófarnir 348,200 krónum. Í júní var upphæðin 377,503 krónur og í júní 195,650 krónur. Þrátt fyrir að þarna hafi tæplega milljón hafi verið stolið var ekkert gert til að bæta eða tryggja öryggi á sölusíðu Strætó. Þá voru upplýsingar um IP tölur né þjófnaðurinn sjálfur ekki kærður til lögreglu.
Undir lok Ágúst var loks ákveðið að virkja svokallað 3d Secure kerfi en þá ákvörðun má í raun rekja til innleiðinga á nýjum reglum Evrópusambandsins um sterka auðkenningu á greiðslukortum.“
Svikin hafa numið nokkur hundruð þúsund krónum í hverjum mánuði og safnast upp í rúmlega 1.900 þúsund.
Það verkefni að innleiða kerfi með sterkari auðkenningu á kortum hefur dregist af ýmsum ástæðum en helsta ástæðan er sú að fyrirtækið sem þjónustar Strætó í þessum efnum er að gera þetta í fyrsta skipti.
