Lögreglan á Suðurnesjum hefur hneppt karlmann í fangelsi fyrir meint kynferðisofbeldi gagnvart fjórum ungum stúlkum. Maðurinn mun hafa vanið sig á að aka á bifreið um nágrenni við grunnskóla, stöðva bifreiðina og hafa uppi kynferðislega tilburði við ungar stúlkur.
Tilkynningar um athæfi mannsins fóru að berast um mánaðamótin en er hann grunaður um brot gegn fjórum ungum stúlkum í þremur aðskildum tilvikum. Stúlkan sem síðast varð fyrir ofbeldinu gat gefið góða lýsingu á bifreiðinni sem maðurinn var a´ sem leiddi til þess að lögregla hafði upp á manninum og framkvæmdi hjá honum húsleit. Við húsleit fannst ætlað barnaklám.
Maðurinn hefur verið úrskurðaður í gæsluvarðhald til 3. janúar og mun rannsóknin vera á viðkvæmu stigi.
