Í Lögmannablaðinu voru birtar niðustöður könnunar sem vinnuhópur skipaður af Lögmannafélagi Íslands framkvæmdi. Hópurinn var skipaður til að skoða #MeToo í samhengi við starfsumhverfi lögmanna svo hægt væri að meta það hvort það sé þörf á breytitngum á lögmannalögum eða á siðareglum. Einnig taldi um fjórðungur þeirra lögmanna sem tóku þátt að þeir hafi orðið fyrir eða orðið vitni að einelti. Vinnuhópurinn segir niðurstöðurnar hljóta að vera umhugsunarefni fyrir stéttina. „Hópurinn telur það með öllu óásættanlegt að tæplega þriðjungur lögmanna hafi orðið fyrir eða orðið vitni að kynbundinni áreitni á vinnustað sínum.“
Vakin er athygli á því að einungis 17% af þeim sem könnunin náði til svöruðu henni. Það þykir almennt vera lágt hlutfall en á móti var kynjahlutfallið jafnt og aldursdreifingin góð. Þess vegna er tekið mark á niðurstöðunum. Vinnuhópurinn á enn eftir að skila niðurstöðum um það hvort það sé nauðsynlegt að breyta siðareglunum eða lögmannalögunum en þeim niðurstöðum verður skilað eftir áramót.
