Rétt fyrir klukkan átta í morgun var tilkynnt um heimilisofbeldi í austurhluta höfuðborgarinnar. Gerandi var farinn af staðnum er lögreglu bar að og er málið í rannsókn.
Þetta kemur fram í dagbók lögreglunnar og einnig þetta:
Þá barst tilkynning um ökumann sem hafði ekið niður tvö umferðarskilti í Grafarvogi. Lögreglumenn voru fljótir á vettvang og handsömuðu ökumanninn. Í ljós kom að hann var undir áhrifum áfengis og gistir fangageymslu lögreglu.
