Verið er að skoða það að útvega öllum föngum á Íslandi spjaldtölvu. Fangarnir gætu þá notað þessar spjaldtölvur til að lesa fréttir, sent póst og talað við fólk í gegnum miðla eins og Skype.

Samkvæmt heimildum DV eiga viðræður sér stað milli fjarskiptafyrirtækis á Íslandi, Afstöðu og fangelsismálastofnunnar um hvernig eigi að standa að þessu. Í samtali við DV segir Páll Winkel fangelsismálastjóri að sífellt sé verið að kanna möguleika á að draga úr þeim neikvæðu afleiðingum sem innilokun í lokuðum fangelsum getur haft á fólk. „Þetta er meðal þess sem verið er að skoða en það er alls ekki búið að ákveða þetta eða komið á framkvæmdastig.“