Hjörvar Ari Ragnarsson, 23 ára karlmaður, hefur verið ákærður fyrir hrottalega líkamsárás sem ku hafa átt sér stað við Hlöllabáta í miðbænum. Árásin er sögð hafa átt sér stað aðfaranótt fimmtudags fyrir tveimur árum.

Hjörvar Ari er sakaður um að hafa ráðist á annan mann með ítrekuðum höggum og spörkum í höfuð og líkama, þar á meðal að minnsta kosti eitt hnéspark í höfuð.

Samkvæmt ákæru voru afleiðingar þessa að maðurinn „féll í jörðina og hlaut rifbrot hægra og vinstra megin, heilahristing, brot úr neðri augntönn vinstra megin og sprungu í glerung, mar og bólgu á hægri kinn, mar á hægri upphandlegg og öxl, skrapsár á háls hægra megin og á hægra hné.“

Fórnarlambið fer fram á ríflega eina milljón króna í miskabætur.