Chelsea má kaupa leikmenn í janúar eftir að banni þeirra var aflétt, í dag. Frank Lampard, stjóri Chelsea vill styrkja liðið.

Sagt er að Lampard vilji helst fá inn vinstri bakvörð og horfir þar til Ben Chilwell, bakvarðar Leicester.

Nathan Ake gæti komið aftur til félagsins frá Bournemouth. Þá er Jadon Sancho og fleiri kantmenn orðaðir við Chelsea auk sóknarmanna.

Samkvæmt fréttum verða fjórir leikmenn til sölu en þar má nefna Olivier Giroud og Pedro sem vilja báðir spila meira. Marcos Alonso vinstri bakvörður er einnig til sölu.

Þá gæti Chelsea selt Willian sem verður samningslaus í sumar, hann hefur ekki viljað framlengja og gæti því farið í janúar.

Til sölu:
Olivier Giroud
Pedro
Marcos Alonso
Willian