Um þrjúleytið í nótt ætlaði lögreglan að hafa afskipti af ökumanni vespu. En hann stoppaði ekki og hófst þá eftirför  frá Skeifunni að Kringlunni þar sem ökumaðurinn missir stjórn á hjólinu, rennur í hálku og dettur. Ökumaðurinn var hjálmlaus og fékk sár á höfuðið.  Honum var ekið á Bráðadeild til aðhlynningar. Ökumaðurinn er grunaður um akstur undir áhrifum fíkniefna og hann framdi fjölda umferðarlagabrota í eftirförinni, t.d. akstur eftir gangstétt og tvisvar akstur gegn rauðu ljósi.

Maðurinn var ekki eigandi vespunnar og hann er ekki unglingur heldur að nálgast fimmtugt. Hjólið var fært á lögreglustöð þar sem ekki er vitað um eiganda en maðurinn var látinn laus að lokinni skýrslu og sýnatöku. Hjólið er óskráð og ótryggt.