„Jón er þekktur að fólsku í sínum málflutningi,“ segir Guðmundur Gunnarsson, fyrrverandi formaður Rafiðnaðarsambandsins, um Jón Gunnarsson, þingmann Sjálfstæðisflokksins.

Guðmundur vísar þarna í Silfrið sem var á dagskrá RÚV í gær en þar tókust meðal annars á þeir Jón og Atli Þór Fanndal, blaðamaður og fyrrverandi ráðgjafi Pírata.

Sjá einnig: Sauð upp úr í Silfrinu: Atli afhjúpaði Jón í beinni – „Hann notaði taktík sem er kennd í stjórnmálaskóla Sjálfstæðisflokksins

Jón Gunnarsson virðist ekki vera í sérstöku uppáhaldi hjá Guðmundi. Rifjar hann upp afar umdeild ummæli sem Jón lét falla um tónlistarkonuna Björk, dóttur Guðmundar, árið 2015. Velti Jón því fyrir sér hvort hún borgaði skatta á Íslandi og sagði hana „frekar daufa til augnanna á bak við grímuna“.

„T.d. fannst honum það viðeigandi þegar honum var bent á að sumir af þeim fossum sem hann hefur barist fyrir að vinir hans gætu virkjað það væri friðaðir. Þar sýndi hann sinn innri mann og málatilbúnað að það vera innlegg í umræðuna um náttúruvernd að bera það á Björk að hún væri skattsvikari og eiturlyfjaneytandi.Og það er niðurlægjandi fyrir RÚV og Egill Helgason af búið sé að fjarlægja Silfurþáttinn þar sem Jón er tekinn í bakaríið,“ segir Guðmundur í færslu sinni.

Egill, stjórnandi Silfursins, segir það hins vegar af og frá að þátturinn hafi verið fjarlægður af vef RÚV. „ Í gær varð bilun á RÚV sem varð til þess að vefurinn lá niðri um stund. Ég ætti ekki annað eftir að að fara að fjarlægja efni, og efast nú sterklega um að mér yrði leyft það!“ segir hann.

Þáttinn má sjá hér.