Tuttugu manns var sagt upp hjá Íslandsbanka í morgun. Þetta kemur fram í frétt á RÚV. Meirihluti starfsmannanna starfa í höfuðstöðvum bankans. Skýringin á uppsögnunum er sögð sú að þær séu hluti af hagræðingaraðgerðum samhliða breytingum á bankaþjónustu.
Íslandsbanki sagði einnig upp 20 manns í september og því hefur 40 manns verið sagt upp hjá bankanum í haust. Auk þess fóru sex á eftirlaun fyrr í haust.