Tilkynnt var um umferðarslys á Bústaðavegi við Kringlumýrarbraut klukkan níu í morgun. Var þetta árekstur tveggja bíla. Ökumaður annars bílsins er grunaður um að hafa ekið gegn rauðu ljósi og of hratt miðað við aðstæður. Minniháttar meiðsli urðu á fólki. Annar bíllinn er óökufær.
Þetta kemur fram í dagbók Lögreglunnar á höfuðborgarsvæðinu. Þar segir einnig frá því að tilkynnt var um slagsmál í miðbænum á sjötta tímanum í morgun. Tveir voru fluttir á lögreglustöð en þeim sleppt að lokinni upplýsingatöku. Menn voru með minniháttar áverka og óvíst með kærur.
Tilkynnt var um öskur og læti frá íbúð í Breiðhlolti skömmu fyrir klukkan sex í morgun. Einn ölvaður maður var handtekinn og vistaður í fangageymslu, grunaður um hótanir og ólöglegan vopnaburð. Tveir hnífar voru haldlagðir.
