Mohamed Salah, kantmaður Liverpool fer í myndatöku í heimalandi sínu Egyptalandi í dag. Ástæðan eru ökklameiðsli sem hafa plagað hann.
Salah hefur síðustu vikur verið tæpur á ökkla og fór seint af velli í sigrinum á Manchester City.
Liverpool hefur áhyggjur af þessu og er læknateymi klárt í að fljúga til Egyptalands, komi myndatakan illa út.
Fleiri leikmenn Liverpool eru að glíma við ökklameiðsli en Andrew Robertson, bakvörður liðsins hefur dregið sig úr skoska landsliðinu.
Hann meiddist á æfingu liðsins og er óvíst hvort hann nái næsta deildarleik.
