Málið hefur vakið mikla athygli í dag og umræðu en konan er ólétt og komin níu mánuði á leið. Klukkan 18 í gær kom lögreglan í lokað úrræði Útlendingastofnunar fyrir fjölskyldur, konur og fylgdarlaus ungmenni til að handtaka fjölskyldu frá Albaníu. Fjallað hefur verið mikið um málið í dag og hefur Áslaug Arna dómsmálaráðherra fengið mikla gagnrýni í netheimum vegna málsins.
Nú hefur Biskup Íslands óskað eftir fundi með dómsmálaráðherra til að ræða stöðu hælisleitenda vegna í ljósi brottvísunar óléttu konunnar í nótt. Þetta kemur fram í yfirlýsingu frá Agnesi Sigurðardóttur, Biskupi.
„Það er ólíðandi verknaður að senda barnshafandi konu burt í óvissu og örbyrgð. Það er mannréttindabrot og gengur þvert á skilyrðilausa kærleiksskyldu kristinna manna,“ segir Agnes. í tilkynningunni. „Biskups Íslands hefur óskað eftir því að prestur innflytjenda sr. Toshiki Toma, ásamt sr. Ásu Laufey Sæmundsdóttir og sr. Evu Björk Valdimarsdóttur, sem séð hafa um þjónustu við hælisleitendur, fylgi málinu eftir.“
