,,Hófleg veiði í dag en veðurspáin gerði ráð fyrir að það yrði heiðskýrt. Það gekk ekki eftir því um morguninn var frostþoka, ísrigning og allt hrímað. Fuglinn, þessir fáu sem maður sá fyrir hádegi, var mjög styggur,“  sagði Jón Ingi á Stöng í Mývatnssveit eftir fyrsta daginn sem mátti skjóta rjúpu.

Sólin náði loks svo að bræða sig í gegn og þá var hægt að komast aðeins í færi við rjúpu.

,,Mínar fréttir eru yfirleitt lágar tölur svona frá 5 til 25 fuglar á bíl. Þurfti að hafa mikið fyrir þessum rjúpum sem ég og bróðir minn Arnar fengum í hraun og kjarri í Mývatnssveit. Komum samt sáttir heim eftir skemmtilegan dag.

Hér koma nokkrar myndir sem við tókum,“ sagði Jón Ingi ennfremur.

Veiðin gekk víða vel, kannski heldur lítill snjór víða en hann hlýtur að koma bráðum.

Mynd. Myndir úr Mývatnssveit. Myndir Jón Ingi.