Það tiltæki Dorritar Moussaieff, fyrrverandi forsetafrúar Íslands, að láta klóna hund sinn Sám mælist misjafnlega fyrir. Ein af þeim sem eru ekki hrifin er Eva H. Baldursdóttir, lögfræðingur og fyrrverandi varaborgarfullrúi.
Eva telur þessa háttsemi til vera til marks um skort á tengingu við raunveruleikann og þykir sem forsetahjónin fyrrverandi séu farin að haga sér eins og Kardashian-fjölskyldan og önnur frægðarmenni. Segir Eva að þó að ekki sé margt sem hneyksli hana þá þyki henni þetta vera hneykslanlegt. Hún tjáði sig með svofelldum hætti um málið á Facebook:
Það er ekki margt sem hneykslar mig þessa dagana.
En ég er vel pirruð yfir óraunveruleika háttsemi fyrrverandi forseta Íslands – að klóna hundinn sinn – og auglýsa það svo á twitter eins og það sé eitthvað til að vera stoltur af.
Nenniru í alvörunni ekki að láta eins og þú sért í Kardashian fjölskyldunni. Eða Elon Musk. Elítu rugl.
Það er frekar mikið af hundum sem eiga enga fjölskyldu. Hvernig væri bara að sinna þeim.
Fleira var það ekki
