Gunnar Karlsson sagnfræðingur er látinn, áttræður að aldri. Gunnar skrifaði fjölda kennslubóka fyrir öll skólastig og fjölda annarra rita. Í frétt Vísis, sem vísar í tilkynningu frá aðstandendum, kemur fram að Gunnar hafi látist á hjartadeild Landspítalans í gær.
Eftirlifandi eiginkona hans er Silja Aðalsteinsdóttir bókmenntafræðingur. Dætur Gunnars eru Sif, Sigþrúður og Elísabet.
Gunnar lauk kandídatsprófi frá Háskóla Íslands árið 1970 og doktorsprófi frá sama skóla árið 1978. Hann varð lektor í sagnfræði við skólann árið 1976 og prófessor árið 1980, en áður hafði hann kennt við University College í London.
Sem fyrr segir skrifaði Gunnar fjölda kennslubóka en hann tók einnig þátt í ritun Sögu Íslands og ritstýrði útgáfu á Grágás.
