Granit Xhaka, fyrirliði Arsenal, reif sig úr að ofan og sagði stuðningsmönnum liðsins að fara til fjandans um helgina. Xhaka var tekinn af velli í leik gegn Crystal Palace og þá var baulað hressilega á miðjumanninn.

Unai Emery, stjóri Arsenal, viðurkennir að viðbrögð Xhaka hafi ekki verið ásættanleg. ,,Það sem Xhaka gerði var rangt. Við þurfum að halda ró okkar og tala við hann,“ sagði Emery.

The Athletic fjallar um málið og segist hafa heimildir fyrir því að Xhaka hafi farið heim, áður en leiknum lauk. Forráðamenn Arsneal hafa svo boðað hann á fund sinn.

,,Hann er liðsmaður en hegðun hans á sunnudag var til skammar,“ sagði Charlie Nicholas, sérfræðingur Sky Sports um málið.

,,Xhaka er fyrirliði núna en ég held að það sé ekki mikið lengur, eftir hegðun hans um helgina. Það að hann hafi ekki beðist afsökunar um leið, segir okur að hann sé reiður.“

Nicholas telur að Xhaka verði ekki mikið lengur í herbúðum Arsenal. ,,Hann er að koma fram fyrir Arsenal, sem fyrirliði. Það er ekki í boði að halda að þú sért stærri en félagið, ég sé hann ekki eiga framtíð hjá félaginu.“