Mikayla Falla spáði lítið sem ekkert í mataræðinu sem oftar en ekki samanstóð af Dominos-pítsum, súkkulaði og kaffibollum. Falla borðaði ekki morgunmat en í hádeginu leitaði hún í skyndibita og borðaði sig sadda. Hreyfing eða líkamsrækt var ekki inni í myndinni.
Falla segir sögu sína í viðtali við Body and Soul-vefritið en hún tók sig rækilega á þegar hún var orðin 130 kíló. Í viðtalinu segist hún ekki hafa vaknað fyrr en hún fór til læknis sem sagði að hún yrði að taka sig. Nú, nítján mánuðum síðar, er óhætt að segja að Falla sé komin á annan stað. Hún er 47 kílóum léttari og segist vera bæði hamingjusamari og hraustari en áður.
Falla nefnir nokkur lykilatriði um þennan góða árangur.
Falla kvaddi skyndibitann og súkkulaðið og raunar nær allan sykur og kolvetni. Hún segir að þetta hafi reynt á, en markmiðið hafi verið skýrt og lítið annað komið til greina en að halda sínu striki. „Ég vissi að það væri ljós við enda gangnanna og mér myndi líða 100% betur ef mér tækist ætlunarverkið.“
Morgunmatur: Þrjú eggHádegismatur: 100 grömm af mögru kjöti og grænmeti.
Kvöldmatur: 150 grömm af kjúklingi með grænmeti
Kvöldsnarl: Ávextir/hnetur og stundum próteinstykki.
Á mánudögum og fimmtudögum mætir Falla tvisvar á dag í ræktina og hún fer einu sinni á dag á föstudögum og laugardögum. Hún hvílir sig frá krefjandi líkamsrækt á sunnudögum en fer oft í langa göngutúra, stundum 7 til 11 kílómetra.
Það þarf stundum mikinn viljastyrk til að ná markmiðum sínum. Falla segist fylgja þeirri reglu að fá sér aldrei eftirrétt eftir að hafa farið út að borða. Þá passar hún að skammtastærðirnar séu réttar og hún borði ekki of mikið. Hún segist hafa lært ýmislegt á þessum 19 mánuðum en eitt standi þó upp úr. „Ekki gera þér of miklar vonir eða ætla þér of mikið strax. Settu þér frekar lítil markmið í einu.“
