Ríflega þrjátíu þúsund manna hópur spéfugla, Brandarasíða fyrir lengra komna 18+, hefur verið eytt. Ástæðan er að öllum líkindum brandari sem Valgeir Sveinsson, einn helsti gárungi hópsins, setti þar inn um Hildi Lilliendahl. Hildur birtir sjálf brandarann á Twitter og gefur í skyn að þessi brandari ætti að vera ólöglegur.
Brandarinn hljómar svo: „Ég fékk næstum því mín fyrstu endaþarmsmök í gær, sagði vinur minn. Hvernig er hægt að fá næstum því að ríða í rassgat, spurði ég. Hildur Lillendahl tottaði hann á mér.“ Ekki verður betur séð en þessi brandari hafi fallið í kramið hjá meðlimum hópsins, ef marka má fjölda læka áður en hópnum var eytt.
Líkt og fyrr segir þá birti Hildur sjáskot af þessu á Twitter en í athugasemd deilir forritarinn Steinar Bragi Sigurðarson skjáskoti sem virðist sýna að hann hafi tilkynnt hópinn til Facebook. Því hafi hópnum verið eytt.
Valgeir sem fór með brandarann og var stjórnandi í hópnum hefur stofnað nýjan hóp. Þar skrifar hann í morgun: „Jæja. Það þurfti bara 1 feminista til þess að láta loka Brandarasíðu fyrir lengra komna. Gerum þessa öflugri með því að benda fólki með húmor á að sækja um og svara spurningunum.“
Hildur fær fjölda baráttukveðja á Twitter og segja margir að þessi brandari sé viðbjóður og ógeð. Ein kona skrifar. „Þetta er ekki hægt, afhverju er þetta hægt“ og því svarar Hildur: „Af því að kynbundið og rafrænt ofbeldi er bókstaflega ekki ólöglegt. Það er eitthvað sem löggjafinn getur breytt og ætti að breyta.“
Hversu ÓGEÐSLEGA fyndið hehehe pic.twitter.com/ZlDWViOKeH
— Hildur ♀ (@hillldur) October 21, 2019
